Алдағы 3 күнде Қазақстанның батыс облыстарында жауынсыз ыстық ауа райы болады

Астана. 29 маусым. ҚазТАГ - Қазақстанның батыс өңірлерінде 30 маусымнан 2 шілдеге дейін жауынсыз ыстық ауа райы болады, деп хабарлайды «Қазгидромет» РМК баспасөз қызметі.
«Қазақстанның батыс облыстарында орналасқан антициклон және онымен бірге жауын-шашынсыз болатын өте ыстық ауа-райы әлі де сақталады. Күндізгі температура мұнда бұрынғыдай плюс 35…43°С», - делінген жұмада таратылған хабарда.
Ал Қазақстанның солтүстігінде биіктік циклоны тола бастады, ол шығысқа жылжып келеді, сондықтан алдағы үш тәулікте күшті жаңбыр мұнда енді болмайды. Кей жерлерде найзағайлы өткінші жаңбыр және екпінді жел, тек солтүстік облыстарда ғана емес, шығыста да, оңтүстік-шығыс пен республиканың орталығында да сақталады, дейді синоптиктер.