Алматы облысының тауларында мереке күндері сел жүру қаупі сақталады

Астана. 5 шілде. ҚазТАГ – Алматы облысының тауларында мереке күндері қатты ыстық болуына байланысты сел жүру қаупі сақталады, деп хабарлады «Қазгидромет» РМК.
«Алдағы кезеңде, 6-10 шілдеде, ауа температурасының фоны тым жоғары болуына байланысты Алматы облысының тауларында сел жүру қаупі сақталады», - деп хабарлады синоптиктер сәрсенбі күні.
Сондай-ақ Қазгидромет мәліметтерінше, 5-9 шілдеде Қарағанды облысының кей жерлерінде +43 градусқа дейін жететін өте қатты ыстық болады деп күтілуде.