Алматыда Қазақстанда энергетика ғылымының негізін қалаушы Шапық Шөкинге ескерткіш қойылды

Алматы. 24 тамыз. ҚазТАГ – Алматыда Қазақстанда энергетика ғылымының негізін қалаушы Шапық Шөкинге ескерткіш қойылды, деп хабарлады қала әкімдігінің баспасөз қызметінен.  
«Ш.Шөкин атындағы Қазақ энергетика ғылыми- зерттеу институтында «Рухани жаңғыру» бағдарламасы аясында ғалым-энергетик, еліміздегі энергетика ғылымының негізін қалаушы, техника ғылымдарының докторы, профессор, академик Шапық Шөкинге ескерткіш ашылды. Шара академиктің туғанына 105 жыл толуына орайластырылған», - делінген бейсенбідегі хабарда.
Салтанатты шараға қала әкімі Бауыржан Байбек, академиктің ұлы Қанат Шөкин, Қазақ Ұлттық академиясының президенті Мұрат Жұрынов, энергетика ғылыми- зерттеу институтының президенті Калық Абдуллаев, Алматының Қоғамдық кеңесінің төрағасы Рахман Алшанов, ғалым-археолог Карл Байпақов, Алматы мәслихатының депутаты Нұрлан Мұхамед-Рахимов, Қазақстанның халық жазушысы Бексұлтан Нұржекеев, ғылыми- зерттеу институтының қызметкерлері және көптеген басқалары қатысты.
«Ол Қазақ энергетика ғылыми- зерттеу институтының алғашқы директоры болды. Академик Шөкин басқарған кезде институт еліміздегі құнды эксперименталды базасы бар, тіпті кейбір зерттеулері бойынша әлемде баламасы жоқ ірі әрі жаңашыл ғылыми мекемеге айналды. Қазақстанның энергетика саласындағы ғылыми жаңалықтардың барлығы осы институтпен байланысты.Шапық Шөкиннің тікелей араласуымен Қазақстан энергетикасы ғылыми- техникалық болжамының кешенді жүйесі, Ертіс - Қарағанды каналының, Қапшағай гидроэлектростанциясының жобалары жасалды», деп атап өтті Б.Байбек.
Шапық Шөкин - Қазақстан энергетикасын дамутыға арналған «Қазақстан энергетикасы», «Ауылшаруашылығын энергиямен қамтамасыз етудің ғылыми негіздері», «Қазақстан энергетикасын дамытудың негіздері», «Энергетика және Қазақстанның су шаруашылығы», «Қазақстанның жылу-энергетикалық балансы» және басқа 500 –ден аса ғылыми еңбектің авторы..
Қазақстан Республикасының Президенті Нұрсұлтан Назарбаев 1996 жылы академик Шапық Шөкинге ең жоғарғы белгі - «Халық Қаһарманы» атағын берді.