Алтайдағы Берел қорымында тағы бір «алтын адам» табылды

Күні: 15:38, 01-08-2017.

Алматы. 1 тамыз. ҚазТАГ – Шығыс Қазақстан облысында тағы бір «алтын адам» табылды, деп хабарлады «Қасиетті Қазақстан» орталығының жетекшісі Берік Әбдіғалиұлы.
«Сүйінші, ағайын! Тағы да көне дәуірдің көзіндей болған құнды жәдігер! Сақ дәуіріне тән түрлі дүниені бүгінге бүтіндей жеткізген Алтай таулары маңындағы Берел қорымынан, Зейнолла Самашев бастаған экспедициялық топтың қазба жұмыстары нәтижесінде, тағы бір Алтын адам табылды. «Қасиетті Қазақстан» бағдарламасы аясында Шығыс Қазақстан облысына іссапарға барып, осындай айтулы жаңалыққа куә болдым», - деп көрсетілген Б. Әбдіғалиұлының Facebook парақшасында сейсенбі күні жариялаған хабарда.


Жаңалықтармен бөлісу: