Қазақстан мен Қырғызстан көкпарды ЮНЕСКО мұрасының тізіміне енгізуге сұраным берді

Күні: 11:45, 08-07-2015.

Алматы. 8 шілде. ҚазТАГ – Қырғызстан, Қазақстан және Ауғанстан бірлесіп көк-бөрі ойынын ЮНЕСКО-ның материалдық емес мәдени мұра тізіміне енгізуге сұраным берді, деп хабарлады ҚырТАГ.
«Көк-бөрі ойынын ЮНЕСКО-ның материалдық емес мәдени мұра тізіміне енгізуге сұраным үш мемлекеттің атынан – Қырғызстан, Қазақстан және Ауғанстанның атынан берілді. Ол тек Қазақстанның атынан берілген сұраным болмайды», - деді парламенттік СДПҚ фракцияның көшбасшысы Чыныбай Турсунбеков жастарды дамытудың партиялық бағдарламасын тыңдау барысында.
Тыңдауларда қырғыздардың ұлттық ойыны көк-бөріні ЮНЕСКО тізіміне Қазақстанның сұранымы бойынша енгізеді деген мәселе көтерілген.
Еске салсақ, ЮНЕСКО-ның материалдық емес мәдени мұра тізімін толтыруға мемлекеттердің сұранымы ұйымның 2015 жылғы қараша айындағы отырысында қаралады.


Жаңалықтармен бөлісу: