Қазақстан президенті бейбіт жиналыстар өткізу туралы заңға қол қойды

Күні: 19:31, 25-05-2020.

Астана. 25 мамыр. ҚазТАГ – Қазақстан президенті Қасым-Жомарт Тоқаев бейбіт жиындар туралы заңға қол қойды, деп хабарлады Ақорда баспасөз қызметінен.
«Мемлекет басшысы «Қазақстан Республикасының кейбір заңнамалық актілеріне Қазақстан Республикасында бейбіт жиналыстарды ұйымдастыру және өткізу тәртібі мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды», - делінген дүйсенбідегі хабарда.
Қазақстанда бейбіт жиналыстар өткізу тәртібі туралы заңды бұзғаны үшін жазаның күшейтілетіні, бейбіт жиналыстарға қатысқан шетелдіктерге айыппұл салынып, елден шығарылуы мүмкін екені туралы ҚазАГ ХАА 7 ақпанда хабарлаған еді. Сондай-ақ, белгілі болғандай, митингтер туралы хабар тарату БАҚ-ты жабуға себеп болуы да мүмкін. Бұдан басқа, партияларының жұмысы Қазақстанда тоқтатылған саясаткерге митинг өткізуге тыйым салынуы да мүмкін. 17 ақпанда «Бейбіт жиналыстар туралы» заң жобасының тұжырымдамасын талқылау барысында Адам құқықтары мен заңдылықты сақтау жөніндегі Қазақстан халықаралық бюросының директоры Евгений Жовтис жаңа заң жобасын БҰҰ-ға сараптамаға жіберуді ұсынды, ал журналист Сергей Пономарев митингтер туралы жаңа заң жобасының Қазақстандағы БАҚ жұмысына кедергі келтіретініне сенімді екенін айтты.
«Либерти» қоғамдық қорының президенті, құқыққорғаушы Ғалым Ағелеуов Қазақстанда мемлекеттік органдар тарапынан шектеулер жоқ жердің барлығында митингтер өткізу туралы норманы бекіту керек деген пікірде. Сондай-ақ, Жовтис те Қазақстанда күтпеген жерден шаралар өткізген кезде ешқандай мәлімдеме жасалмауы да мүмкін екенін айтты. «Халыққа адал қызмет» қоғамдық қорының өкілі Болат Жұматаев митингтер мен жиналыстар өткізуге қатысты өтінімдердің барлығы Қазақстанда барлығына қол жетімді тізілімде болуы керек деп санайды. Жовтистің пікірінше, егер митингтер туралы жаңа заң қазіргі түрінде қабылданатын болса, онда Қазақстанда өз Грета Тунбергінің пайда болуы мүмкін емес. Сонымен қатар ол митингтер туралы жаңа заң журналистер жағдайын қиындатуы мүмкін дейді.
Кейін сол күні баспасөз мәслихатында Жовтис бейбіт митинтер туралы жаңа заң келіспеушілер үшін қор жасау туралы заң болып табылады деген пікірін білдірді. Саясаткер, Демократиялық партия құруға бастама жасаушы Төлеген Жөкеев Қазақстандағы қолданыстағы биліктің қолынан келер ең жақсы ісі – басқаруды демократиялық күшке бейбіт жолмен беру. Сондай-ақ, Жовтис мәлімдегендей, ол бейбіт жиналыстар туралы заңның балама жобасын ҚР ақпарат және қоғамдық даму министрлігіне жіберуге ниетті. Өз кезегінде құқыққорғаушы, «Ар.Рух.Хақ» қоғамдық қорының президенті Бақытжан Төреғожин бейбіт жиналыстар туралы жаң заң жобасында қарапайым азаматтарды әлеуетті зорлықшылар деп санайды дейді.
HAQ партиясын құруға бастама жасаушы Тоғжан Қожалиева ҚР АҚДМ Дәурен Абаев бейбіт жиналыстар туралы заң жобасының авторы емес деп ойлайды.
26 ақпанда ҚР ақпарат және қоғамдық келісім вице-министрі Данияр Есин бейбіт жиналыстардағы журналистер қызметінің ережесін журналистердің өздерімен талқылауға уәде берді.
29 ақпанда ҚР президенті Қасым-Жомарт Тоқаев «бейбіт жиналыстар өткізу туралы хабарлама жасау маңызды» деп санайтынын жеткізді.
12 наурызда министр Абаев ҚазТАГ ХАА журналистерінің сұрақтарына жауап бере келе, митингтегі журналистердің іс-әрекетін БАҚ-пен талқыланатынына уәде берді.
Алайда 19 наурызда белгілі болғандай, Қазақстан үкіметі бейбіт жиналыстар туралы заң жобасын осы күйде мәжіліске енгізуді шешкен. Дегенмен 20 мамырда мәжілісте сенат түзетулері бейбіт жиындар туралы заң жобасының тұжырымдамасын өзгертпейтінін мәлімдеді.


Жаңалықтармен бөлісу: