Алматы. 13 шілде. ҚазТАГ – Қазақстандықтар коронавирус індетінен қайтыс болған отандастарын аза тұтуда, деп хабарлады агенттік тілшісі.
Дүйсенбі – 13 шілде – COVID-19 індетінен қайтыс болған қазақстандықтарды жалпыұлттық аза тұту күні. Нұр-Сұлтан уақытымен 12.00-де бүкіл Қазақстан бойынша бір минут үнсіздік жарияланады. Бүкіл ел бойынша жалаулар төмен түсірілген, барлық ойын-сауық шаралары тоқтатылған.
Соңғы ресми ақпар бойынша КВИ-ден 375 адам көз жұмған, оған қоса белгісіз пневмониядан қайтыс болып жатқандар саны артуда, оны Дүниежүзілік денсаулық сақтау ұйымы коронавирустың жаңа түрі деп атауда.
Еске салсақ, 13 шілдені аза тұту күні деп жариялау жоспары туралы Қазақстан президенті Қасым-Жомарт Тоқаев 8 шілдеде қазақстандықтарға жасаған телеүндеуі кезінде жариялаған еді. 9 шілдеде мемлекет басшысы тиісті жарлыққа қол қойды.
Қазақстандықтар коронавирус індетінен қайтыс болған отандастарын аза тұтуда
