Қазақстанның басым бөлігінде алдағы күндері жауын-шашынның қысқа мерзімдік тоқтауы күтілуде

Күні: 12:37, 25-04-2018.

Астана. 25 сәуір. ҚазТАГ - Қазақстанның басым бөлігінде жауын-шашынның қысқа мерзімге тоқтауы күтілуде, деп хабарлайды «Қазгидромет» РМК баспасөз қызметі.
«Қазақстан аумағы арқылы ауа-райын екпінді өзгерте отырып, үлкен жылдамдықпен циклондар және антициклондар жылжып келеді. Алдағы тәуліктерде республиканың басым облыстарында антициклонның әсерінен жауын-шашын қысқа уақытқа тоқтауы күтіледі», - делінген 2018 жылғы 26-28 сәуір аралығына арналған ауа-райы болжамында.
Қазақстанның батысына қарай кезекті атмосфералық фронттар жақындап қалды, олардың шығысқа қарай жылжуына байланысты, республиканың солтүстік жартысында басымырақ, жауын-шашын және желдің күшеюі күтілуде.


Жаңалықтармен бөлісу: