Қазақстанның оңтүстігі мен оңтүстік-шығысында алдағы үш күнде ыстық ауа райы сақталады

Күні: 16:08, 19-06-2017.

Астана. 19 маусым. ҚазТАГ – Қазақстанның оңтүстігін мен оңтүстік-шығысында 20-22 маусым аралығында ыссы ауа райы сақталады, деп хабарлады «Қазгидромет» РМК.  
«Анамальды ыстық ауа-райы, оңтүстік, орталық және шығыс облыстарға орныққан. Егер де республиканың шығысы мен орталығында атмосфералық фронтарға байланысты қысқа мерзімді найзағайлы жаңбыр болып, осының әсерінен ыстықтың аздап әлсірегені байқалса, ыстық ауа-райы оңтүстік және оңтүстік шығыста әлі де сақталады, ауа температурасы нормадан 5-8ºС жоғары болады», - делінген синоптиктердің хабарында.  
Бұл ретте, Қазақстанның батыс және солтүстік облыстарының кей жерлерінде жаңбыр, найзағай, қатты екпінді жел соғып, бұршақ болуы мүмкін.
Астанада 20-22 маусымда жауын-шашынсыз, күндіз +28+30°С.
Алматыда 20 және 21 маусымда аздаған жаңбыр жауып, найзағай ойнайды, +32°С; 22 маусымда жауын-шашынсыз, ауа температурасы +35°С.


Жаңалықтармен бөлісу: