Қазақстанның солтүстік аудандарында жылымық қар, тұман және көктайғақ болады деп болжануда

Күні: 13:09, 06-04-2018.

Астана. 6 сәуір. ҚазТАГ – 7-9 сәуір аралығында Қазақстанның солтүстік аудандарында жылымық қар, тұман және көктайғақ болады деп болжануда, деп  хабарлады «Қазгидромет» РМК баспасөз қызметінен.
«Қазақстанның солтүстік аудандарында кезекті циклон орналасып, еліміздің барлық облыстарындағы ауа-райына әсер ететін болады. Алдағы үш тәулікте артикалық суық фронпен байланысты солтүстік облыстарда ылғалды қар, түнде тұман және көктайғақ күтіледі», - делінген жұмада таратылған хабарда.
Хабарда айтылғандай, еліміздің оңтүстік бөлігінде жаңбыр, кей жерлерде қатты найзағай, екпінді жел болжанады. Ауа температурасының ауытқуы күтіледі: жауын-шашынмен тез төмендеп, күн ашылғанда шапшаң жоғарылай бастайды.


Жаңалықтармен бөлісу: