«Күнделік» мектеп жүйесінің негізгі функцияларының тегіндігі туралы Досаев мәжіліс депутаттарын сендірді

Астана. 3 наурыз. ҚазТАГ – «Күнделік» мектеп жүйесінің негізгі функциялары тегін болады, деп мәлімдеді ҚР Премьер-Министрінің орынбасары Ерболат Досаев Қазақстан Республикасы Парламенті Мәжілісі депутаттарының сауалына берген жауабында.
«Оқушылар, ата-аналар, мұғалімдер үшін сабаққа қатысуы, бағалау, үй тапсырмалары, күнделікті күнтізбелік жоспарлар, балаларға, ата-аналарға және мұғалімдерге тегін қызмет етеді.
Ақылы қызметтер тек ата-аналардың өтініші бойынша көрсетіледі (мысалы, қаланың, облыстың, республиканың контекстінде баланың жетістіктерін талдау, SMS-хабарландыру және т.б.) және міндетті емес және қосымша», - деді Е. Досаев сауалға жауап ретінде.
Қағаз журналдарын тастаудың мүмкіндіктері туралы сұраққа жауап берген ол электронды жүйеде деректерді сақтау «файл серверлері, резервтік көшірме, деректерді мәңгі сақтауға мүмкіндік беретін, яғни 25 жылдан астам уақытқа мәліметтерді сақтауды қамтамасыз етеді» деп атап өтті.
Қолданыстағы заңнамаға сәйкес, 26 қаңтарда пилоттық жобаны жүзеге асырудың қорытындылары бойынша «Қазақстан Республикасындағы автоматтандырылған ақпараттық «Күнделік» жүйесін құру, енгізу және пайдалану» республикалық жобасы бойынша мемлекеттік-жеке меншік әріптестік туралы келісім жасалды.
Бұл келісім мемлекет тарапынан қаржыландыруды талап етпейтін МЖӘ-мен әлеуметтік салада алғашқы келісімшарт болып табылады», - деді вице-министр.
Естеріңізге сала кетейік, 31 қаңтарда Қазақстан Республикасы Парламенті Мәжілісі депутаттарының тобы үкіметке «Күнделік» электронды жүйесін енгізуге байланысты негізгі мәселелердің тізімін ұсынды.