Кене энцефалиті негізінен Алматы, Ақмола облыстарында және ШҚО – да тіркеледі – денсаулық сақтау министрлігі

Астана. 11 сәуір. ҚазТАГ – Қазақстан Республикасы   Денсаулықсақтау министрлігінің   Қоғамдық денсаулық сақтау   комитеті (бұдан әрі – Комитет) кене энцефалитінің эпидемиологиялық маусымының басталғаны, маусымның бірінші жартысында кене белсенділігі барынша жоғары болып қыркүйекке дейін созылатындығы туралы хабардар етеді.
«Қазақстанда үш өңір – Алматы және Шығыс Қазақстан облыстары, Алматы қаласы мен оның төңірегікене энцефалиті бойынша эндемиялық өңір болып табылады. Соңғы жылдары    Ақмола   облысында кене энцефалитінің жағдайлары бірен-саран тіркеле бастады», - деп көрсетілген ҚР денсаулық сақтау министрлігі сейсенбі күні таратқан хабарда.
Осыған байланысты, қызметі кене энцефалитінің табиғи ошағында болуымен байланысты адамдар (орманшылар, қорықшылар және орман мен   аншылық шаруашылығының басқада қызметкерлері) кене   энцефалитіне қарсы профилактикалық иммундаудан өтеді. Сонымен қатар, жылына екі рет, көктемде және күзде эндемиялық аумақтарда:
1) балаларға және ересектерге арналған сауықтыру ұйымдары орналасқан орындарда;
2) кәсібі мен жұмысының табиғи ошақта болуымен байланысты адамдар тұрақты болатын орындарда;
3) демалыс және туризм базаларының, бау-бақша кооперативтерінің аумақтарында;
4) орман алқаптарын учаскелерінде;
5) шаруашылық-тұрмыстық және басқа мақсаттарда халық едәуір жиі жиналатын жерлерде кенеге қарсы өңдеу жұмыстары жүргізіледі.
Кене энцефалитін қоздырғыш адамға:
вирус жұқтырған иксодтық кене жансыздандыру сілекейімен бірге сорған кезде;
тамаққа кененің жаппай қаптауы кезінде сүтте вирус болуы мүмкін ешкінің, қойдың, сиырдың шикі сүтінпайдаланған кезде;
кенені жаншу немесе шаққан орнын қасу кезінде беріледі.
Спецификалық (вакцинациялау) емес және спецификалық   профилактиканың (қорғану құралдарды   қолдану) көмегімен кене энцефалитімен ауырудыңалдын   алуға болады.  Спецификалық емес профилактика арнайы қорғау костюмдерінің (ұйымдасқан контингенттер үшін) немесе кенелердің кіруіне жол бермеуі тиіс ыңғайлы киімдердің қолданылуын қамтиды. Жейдедеқолдың білезік тұсы түймеленетін немесе резеңкемен қыстырылатын ұзын жеңі болуы тиіс. Жейденің етегі шалбарға, ал шалбардың балағы шұлыққа және етікке салынуы қажет. Бас пен мойынды орамалмен, биік жағамен, капюшонмен немесе басқа да ыңғайлы киімммен жабу керек.
Табиғат аясында болған уақыт ішінде киіміңіз бен денеңізді жиі тексеріп отырыңыз. Егер жабысқан кенені байқасаңыз медицина қызметкеріне қаралыңыз, егер ондай мүмкіндік болмаса кенені өзіңіз алып тастаңыз. Кенені кішкентай тұмсығын жұлып алмай, өте абайлап алу керек, жабысып тұрған кенеге кез келген майды немесе керосинді тамызып, қысқышпен немесе мықты жіппен қармап, қозғай отырып ақырын алу керек. Егер тұмсығы теріде қалып қойса, онда оны шөңгір сияқты алып тастаңыз, шаққан жерге   йод тұнбасын жағыңыз және қолыңызды мұқият жуыңыз.
Кенелерден қорғану үшін үркітетін заттарды – репелленттерді пайдалануға болады, онымен дененің ашық жерлерін және киімді өңдеу керек.
Кене энцефалиті бойынша қолайсыз аумақтарда сүтті қайнатқаннан кейін ғана пайдалану қажет. Бұдан басқа, шикі сүт қана емес одан дайындалған өнімдер:   қаймақ, май және т.б. да қауіпті болып табылады.
Кене шаққан адамдар тәулік ішінде таяу арадағы медициналық ұйымдарға баруы және шұғыл профилактикадан өтуі қажет.
2016 жылы кене шаққан 11356 адам медициналық ұйымдарға қаралды, оның ішінде 10443(92%) адам иммуноглобулинмен профилактикалық ем алды.  
2016 жылы    дезинсекциялау   шаралармен 7356,5 гектар   2   турмен өндеуі   жүргізілді,   ағымды   жылда 8340,34 гектар   өндеуі   жоспарланып   отыр.
Анықтама : кене энцефалиті –әртүрлі ағзалар мен жүйелерді, бірінші кезекте орталық жүйке жүйесін зақымдаумен сипатталатын жіті инфекциялық, трансмиссивті, табиғи-ошақты ауру. Ауыр түрде өткен жағдайда мүгедектікке алып келетін сал ауруы пайда болуы мүмкін.