Митрополит Александр Қазақстанның православ христиандарын келе жатқан Рождествомен құттықтады

Күні: 12:00, 05-01-2015.

Алматы. 5 қаңтар. ҚазТАГ – Мәдина Әлімханова. Қазақстан православ шіркеуінің басшысы Астана және Қазақстан митрополиті Александр қазақстандық православтарды келе жатқан Рождествомен құттықтады.
«Әлемге Жаратушы мен Құдайдың келуі туралы ізгі хабар бүгінде бүкіл әлемді қайта толтырып отыр. Бұл інжілдік хабар христиан жүректерге үміт сыйлайды, шығармашылық күштерді оятады, әрқайсын Құдай мен адамдарға қызмет етуге шабыттандырады. (...) Құтқарушы Рождествосы бізге Құдайдың біздің әрқайсымыздың қасында бар болуы туралы, Онымен тірі қатынас жасау және шынайы бірлесу мүмкіндігі туралы маңызды діни ақиқаттарды түйсінуге көмек береді», - деді митрополит Александр дүйсенбідегі баспасөз мәслихатында.
Сонымен қатар ол салтанатты сиыну 6 қаңтар күні 23.00-де өтетінін атап өтті.
«Рождество мерекесінің діни литургиясы түнде жасалады. Алматыдағы Ғибадат кафедралы соборында салтанатты сиыну 6 қаңтар күні 23.00 сағатта ұлы мейрамның алдында жасалатын болады. Қатыса алмайтындар шоқынуды 7 қаңтар күні таңғы сағат 9-да жасай алады», - деп толықтырды митрополит.
Оның айтуынша, Астанада салтанатты сиынуды Қазақстан православ шіркеу істерін басқару жетекшісі епископ Геннадий басқарады.
Одан өзге, митрополит Александр қайырымдылық істерін жасау қажеттілігі туралы еске салды.
«Рождество мерекесінің шынайы қуанышы туыстармен және жақындармен тілдесусіз мүмкін емес. Бірақ ең бастысы – қайырымдылық істерін жасау, жетім балаларды қуанту, садақа беру, бұл ежелден бері мереке салтанатына деген өте маңызды рухани үстеме», - деп баса айтты митрополит.


Жаңалықтармен бөлісу: