Назарбаев 2017 жылы зейнетақыны 20%-ға көтеруді тапсырды

Күні: 12:51, 15-12-2016.

Астана. 15 желтоқсан. ҚазТАГ – Нұргүл Жігер. ҚР президенті Нұрсұлтан Назарабев үкіметке қазақстандықтардың зейнетақысын 2017 жылы 20%-ға көтеруді тапсырды, деп хабарлады ҚазТАГ тілшісі.
«Келесі жылы зейнетақы мөлшерін 2016 жылғымен салыстырғанда 20%-ға көтеруді тапсырамын. Ол 2 миллион 200 мың қазақстандықты қамтиды», - деді Н. Назарбаев бейсенбі күні ҚР Тәуелсіздігінің 25 жылдығына арналған салтанатты жиында.
Сондай-ақ президент туылған балаға бір рет берілетін мемлекеттік жәрдемақының мөлшерін 2017 жылы 1 маусымда 20%-ға көтеруді тапсырды.


Жаңалықтармен бөлісу: