Оңтүстік Қазақстанда фармацевтика кластерін құруға қажетті барлық жағдай бар

Күні: 12:27, 27-10-2014.

Шымкент. 27 қазан. ҚазТАГ - Оңтүстік Қазақстан облысында фармацевтика кластерін құруға қажетті барлық жағдай бар, деп хабарлады дүйсенбіде өңірлік БАҚ.  
ОҚО-да фармацевтика кластерін құру туралы Шымкентте өткен «Фармацевтикалық білім, ғылым мен өндіріс - «Қазақстан-2050» стратегиясына бағыт» тақырыбында ғылыми конференция өтті.  
«Конференцияға қатысушылар ОҚО-ның тарихи тұрғыдан әркез   еліміздегі дәрі-дәрмек өндірісінің орталығы болғанына мән берді.  Бұл осы өңірде фармкластер жасауға қосымша негіз болады. Егер кластер құру туралы қаулыға қол қойылса, онда ОҚО дәрі-дәрмек өндірушілеріне жеңілдіктер жасалатынына және мемлекеттен қолдау көрсетілетініне кепілдік беріледі», - делінген жарияланымда.
Елдің оңтүстігінде дәрі-дәрмек кластерін құрудың пайдалы тұстарын айта келе, ОҚО-да өсімдіктің 20 мың түрінің өсетінін, оның ішінде 6 мыңының құрамында биологиялық белсенді заттардың барын, соңғыларының 600 түрін дәрі-дәрмек өндірісінде жартылай фабрикат ретінде пайдалануға болатынын, ал 500 түрінен дайын өнім алынатынын да айтуға болады.   Дәрі-дәрмек өндірісіндегі отандық өнімдегі облыс үлесі   49,3%.  
Сонымен қатар, Қазақстан бүгінде дәрі-дәрмекке деген қажеттіліктің  15%-ын да жаппай отыр, ал мемлекеттің ұлттық қауіпсіздігін қамтамасыз ету үшін отандық дәрі-дәрмек үлесі  30%-дан аз болмау керек,  және елдегі дәрі-дәрмек өнімі де негізінен импорт есебінен дамып отыр.  


Жаңалықтармен бөлісу: