Сәуір айында Қазақстанның барлық аумағында үсік жүреді деп болжануда

Алматы. 31 наурыз. ҚазТАГ  Қазақстанның барлық аумағында сәуір айының бірініш және екінші тоқсанының басында үсік болады деп болжануда, деп хабарлады  «Қазгидромет» РМК.  
«Алдын-ала болжамға сәйкес, сәуір айының бірінші және екінші жартысының басы салқын болады: жауын-шашынның соңы көктайғаққа ұласады, күн салқындайды», - деп мәлім етті бейсенбіде «Қазгидромет» инженер-синоптигі Оксана Васюкова.
Сонымен, еліміздің батысы мен шығысында термометр бағаны -5°C дейін төмендейді, солтүстігі мен орталығында -8°C дейін, оңтүстік пен оңтүстік-шығыста 0  +5°C аралығында құбылып тұрады.
«Қалған күндері ауа температурасы жоғарылап, айдың екінші жартысында күн күркіреп, жаңбыр жауады», - делінген болжамда.
Бұл ретте, сәуір айының соңғы тоқсаны жылы болады. Республиканың солтүстік бөлігінде ауа температурасы +20°C, оңтүстігінде  +33°C дейін жылиды.
«Батыс Қазақстан, Атырау, Маңғыстау, Ақтөбе, Қызылорда, Оңтүстік Қазақстан облыстарында, сондай-ақ Жамбыл, Алматы мен Шығыс Қазақстан облыстарының таулы және тау маңы аудандарында жауын-шашынның айлық көрсеткіші қалыпты норма шамасында болады деп күтілуде (норма  18-24 мм), қалған аумақтарда нормадан төмен болады», - деп хабарлады синоптиктер.