Синоптиктер Алдағы 3 күнде Қазақстанның батысында және оңтүстігінде ауа температурасы +43 градусқа дейін ысиды деп болжайды

Күні: 14:27, 13-07-2018.

Астана. 13 шілде. ҚазТАГ - 14 шілдеден бастап 16 шілдеге дейін Қазақстанның батысында және оңтүстігінде ауа райы болжамына сәйкес, +43 дейін ыстық ауа райы болжануда, деп хабарлайды «Қазгидромет» РМК баспасөз қызметі.
«Жаздың ортасы шілде және ең ыстық ай. Тропосфералық процестердің қайта құрыла басталуы Сирия және Ирак аймағынан ыстық ауа массаларының шығарылуын Қазақстанның батыс бөлігіне және республиканың оңтүстігіне әкеледі. Мұнда жауын-шашынсыз және ауа температурасының плюс 40…43°С дейін қайта көтерілуі күтіледі. Ал республиканың шығыс бөлігіне Сібірден салқын және дымқыл ауа біртіндеп түсе бастайды. Сондықтан мұнда жаздағыдай жылы, қатты ыстықсыз ауа-райы сақталады, кей жерлерде найзағаймен және екпінді желмен өткінші жаңбыр болжанады. Ауа температурасы орташа көпжылдық мәнге жақын күтіледі, бірақ батыс облыстарында қалыптыдан 3…7°С жылыырақ күтіледі», - делінген жұма күні таратылған ауа райы болжамында.


Жаңалықтармен бөлісу: