Тоқаев Алматыда сүрілген Пионерлер сарайының орнына қонақ үйдің салынуымен келіспейді

Алматы. 29 қазан. ҚазТАГ – Владимир Радионов. ҚР президенті Қасым-Жомарт Тоқаев 2006 жылы сүрілген Пионерлер сарайының орнына Rixos Almaty қонақ үйінің тұрғызылуымен келіспейді.
«Жергілікті алматылық болғандықтан, мен Абылай хан даңғылында тарихи ЖКТ ғимаратының орнына ірі тұрғын үй кешенінің тұрғызылуымен, Қабанбай батыр көшесінде (2006 жылы сүрілген Пионерлер сарайының орнына – ҚазТАГ) ірі қонақ үйдің (Rixos Almaty отелі– ҚазТАГ) салынуымен келісе алмаймын. (…) Ондай мысалдар Алматыда аз емес», - деді Тоқаев сейсенбі күні Алматының әлеуметтік-экономикалық даму мәселелері жөніндегі жиында.
Сондай-ақ, ол «Алатау» кинотеатрының сүрілуі туралы да ойын білдірді.
«Мен «Алатау» кинотеатрының сүрілуімен де келісе алмаймын. Кинотеатр ғимаратын не үшін сүру керек еді? Алматы үшін таңбалық ғимарат. Сол күрделі ғимаратты сүруге сонша уақыт және күш жұмсалды. Алматыда қала құрылысы саласында өрескел қателіктер жіберілген», - деп атап өтті Тоқаев.
Соған байланысты мемлекет басшысы Алматыда трамвайларды тоқтатуларды «даулы шешім» деп атады, оның пікірінше, жолдарды жөндеп, жылжымалы құрамды жаңартып, трамвай хабарламасын қалдыру керек еді.
Осыдан келе мемлекет басшысы Алматының орталық бөлігіндегі күрделі құрылыстарға тыйым салуды, оның орнына саябақ аймақтарының санын арттыруды, сондай-ақ, «қазақстандықтардың сүйікті ісі – ағаштарды кесуді» тоқтатуды тапсырды.
«Бұл не әдет – ағаштарды кесу? Қазір бір кесілген ағаштың орнына оның өтемі ретінде бесеуін егеді. Қайта егілетін ағаш санын 8-10 дейін жеткізу керек деп санаймын», - деді Тоқаев.
Еске салсақ, 2006 жылдың көктемінде Алматы оқушылар сарйының сүрілетіні туралы белгілі болды, ол 1992 жылы Алматы қалалық жас таланттар сарайы (Қабанбай батыр көшесі мен Сейфуллин даңғылының қиылысында) болып қайта өзгертілді, Алматы қалалық пионерлер мен оқушылар сарайы Ғ.Мұратбаевтың атында болатын, 1936 жылы қалалық Пионерлер үйі болды, 1962 жылы Пионерлер сарайы болып өзгертілді.
2006 жылдың сәуірінде Алматыда қалалық Оқушылар сарайын қорғау жөніндегі қоғамдық комитет құрылды, оған ҚР президенті жанындағы БАҚ бойынша қоғамдық кеңес мүшесі (Қазіргі Қазақстан Журналистер одағы басқармасының төрағасы) Сейтқазы Матаев, Алматы сәулетшілері одағының төрағасы Сергей Мартемьянов, Қазақстан Ұлттық тұтынушылар лигасының президенті Светлана Савченко (қазір ол қызметте Светлана Романовская), Республикалық ата-аналар кеңесінің шефі Марианна Гурина, Қазақстанның түрлі қоғамдық ұйымдарының өкілдері кірген.
2008 жылдың ақпанында белгілі болғандай, сүрілген Пионерлер сарайының орнына Алматыда салынғалы жатқан қонақ үй Rixos Almaty деп аталады.
Сол кезде Оқушылар сарайының сүрілгені үшін наразы қала жұртшылығы Алматы әкімдігіне жауапкершілік артқан болатын.
«Біз Қазақстан жұртшылығын, Алматыны осы Оқушылар сарайы үшін болысуға шақырамыз. Бұл кешенді сақтап қалу керек. Менің ұсынысым мынадай: қоғамға жүгініп, ақша жинайық, Журналистер одағы бастамашы болуға дайын. Т65 млн соншалықты көп қаржы емес. Сол соманы жинап, бұл ғимаратты жерімен бірге қалаға сыйлайық. Біздің басқа амалымыз жоқ. Біз тек жұртшылыққа ұсыныс тастай аламыз. Алматы оқушылар сарайы Алматы үшін мәдени және әлеуметтік құндылық болып табылады. Егер бұл жерге балалар бассейнін салса немесе Оқушылар сарайын қайта қалпына келтірсе, ешқандай мәселе туындамас еді. Бірақ бұл орынға тағы да биік ғимарат салынбақшы, ол да мемлекет қажеттілігі үшін дейді. Әкімдік бұл істі тоқтата алады деп ойлаймын», - деп мәлімдеген еді сол кезде Сейтқазы Матаев.