Тоқаев үштілділік туралы: Бұл өте күрделі және маңызды мәселе

Күні: 18:56, 27-03-2019.

Астана. 27 наурыз. ҚазТАГ – Қазақстан президенті Қасым-Жомарт Тоқаев өңір әкімдерінің қатысуымен өтіп жатқан жиналыста үкімет мүшелерінің баяндамаларын талқылау барысында үштілділік туралы пікірін айтты, деп мәлімдеді мемлекет басшысының баспасөз хатшысы Берік Құрманғали.
«Бұл өте күрделі және маңызды мәселе. Менің ұстанымым, біріншіден, қазақ тілі, сосын орыс тілі болуы керек. Бұлар біздің балаларымыз үшін өте маңызды. Тек сосын ғана ағылшын тіліне үйрету керек», - деп келтірген Тоқаевтың сөзін сәрсенбі күні Facebook парақшасында баспасөз хатшысы.
Бұған дейін хабарланғандай, Астанада Тоқаевтың төрғалығымен жиналыс өтіп жатыр, оған Астана, Алматы, Шымкент және басқа облыстардың әкімдері қатысуда. Жиналыс барысында Қазақстан президенті әкімдерге бірқатар тапсырмалар берді.


Жаңалықтармен бөлісу: