Қытай Коммунистік партиясының бас хатшысы Си Цзиньпин жаңа мерзімге қайта сайланды

Алматы. 25 қазан. ҚазТАГ - Қытай Коммунистік партиясының бас хатшысы Си Цзиньпин жаңа мерзімге қайта сайланды, деп хабарлайды «Синьхуа» агенттігі.
Съезде 19-шы шақырылған Қытай Коммунистік партиясы Орталық комитетінің алғашқы пленумында Си Цзиньпин Қытай партиясының Орталық комитетінің жаңа хатшысы болып сайланды», - делінген агенттіктің сәрсенбі күнгі хабарында.
Сондай-ақ, осы съезде 25 адамнан тұратын Орталық Комитетінің Саяси бюросының жаңа құрамы сайланды. Саяси бюросының тұрақты комитетінде (СБТК) 7 мүшеден бесеуі ауыстырылды. СБТК жаңа құрамына мемкеңестің вице-премьері Ван Ян, Шанхай партиясы комитетінің төрағасы Хань Чжан, ҚКП Орталық комитетінің Кеңсесінің басшысы Ли Чжаньшу, ҚКП Орталық комитетінің ұйымдастыру бөлімінің бастығы Чжао Лэцзи және Орталық Комитеттің Саяси зерттеулер орталығының жетекшісі Ван Хунин сайланды.
Осылайша С. Цзиньпин мен премьер-министр Ли Кэцян ОК-да өз орындарын сақтап қалды.
Сондай-ақ, агенттіктің мәлімдеуінше, съезд барысында Қытай көшбасшысы Коммунистік партияның орталық әскери кеңес жетекшісі болып сайланды.
«С. Цзиньпиннің орынбасарлары Сюй Цилян мен Чжан Юся болды», - делінген хабарда.
Сонымен қатар, Си Цзиньпин Мао Цзедун мен Дэн Сяопиннен кейінгі Коммунистік партияның жарғысына енгізілген тарихтағы үшінші қытай көшбасшысы болды. Тиісті түзетулер алдыңғы күні қабылданды.
ҚКП Орталық комитетінің бас хатшысы, белгіленген дәстүр бойынша, Қытайда және мемлекет басшысы болып табылады. Орталық Комитетінің бас хатшысының өкілеттік мерзімі 5 жыл.