ҚМДБ садақа жасамауға немесе туыстармен ғана шектелуге шақырды

Күні: 14:58, 03-07-2020.

Астана. 3 шілде. ҚазТАГ – Әмір Қасенов/Динара Халдарова.
Садақа жасамауға немесе тек туысқандармен ғана шектелуге шақырды Қазақстан мұсылмандар діни басқармасы (ҚМДБ) төрағасының орынбасары наиб муфтий Ершат Оңғаров.
«Садақалар (жетісі, қырқы, жүзі, жылы және тағы сол сияқтыларды) жасамау немессе оларға тек жақын туыстарды ғана шақырумен шектелу; тек бір ғана молданы шақыру ұсынылады», - деді Оңғаров жұмадағы брифингте.
Сонымен қатар ол садақаларда санитарлық нормаларды сақтау (маска тағу, медициналық қолғап кию, қашықтық сақтау) керегін айтты.
Еске салсақ, коронавирус жағдайына байланысты 5 шілдеден бастап Қазақстанда 14 күнге шектеу шаралары күшейтіледі.


Жаңалықтармен бөлісу: