2019 жылдың желтоқсанында Нұр-Сұлтан мен Доха арасында әуерейсін ашу жоспарлануда

Күні: 16:45, 08-11-2019.

Астана. 8 қараша. ҚазТАГ – 2019 жылдың желтоқсанында Нұр-Сұлтан мен Доха арасында әуерейсін ашу жоспарлануда, деп хабарлады ҚР индустрия және инфрақұрылымдық даму министрлігінің (ИИДМ) баспасөз қызметінен.
«Бүгін, 2019 жылдың 8 қарашасында Дохада (Катар) Қазақстан Республикасы мен Катар мемлекетінің авиациялық биліктері келіссөздер жүргізді. Катар делегациясын Катар Азаматтық авиация әкімшілігінің президенті Абдулла Насер Турки Аль-Субай мырза басқарса, ал қазақстандық тарапқа ҚР ІІДМ Азаматтық авиация комитетінің төрағасы Талғат Ластаев жетекшілік етті. Келіссөздерге Қазақстан Республикасының Катардағы елшісі Асқар Шоқыбаев, Qatar Airways, Эйр Астана, Алматы әуежайының өкілдері қатысты. (…) «Qatar Airways" әуекомпаниясының аға вице-президенті Фатхи Атти мырзаның ақпараты бойынша, Нұр-Сұлтан мен Доха арасындағы алғашқы рейстер биылғы желтоқсан айында іске қосу жоспарланып отыр. Бұл қазақстандық жолаушыларға әлемнің 160 бағыты бойынша саяхаттауға мүмкіндік береді», - делінген жұмадағы хабарда.
Ведомствода нақтылағандай, нәтижесінде, Нұр-Сұлтан мен Доха арасында аптасына 7 рейс, Алматы мен Доха арасында аптасына 7 жолаушы және 7 жүк рейсі, сондай-ақ Қазақстанда енгізілген 5-ші "әуе еркіндігін" ұсынатын "ашық аспан" тәртібі аясында тұрақты рейсті орындау үшін құқықтық база бекітілді.
«ҚР индустрия және инфрақұрлымдық даму министрлігі «ашық аспан» режимінде Қазақстанға жаңа әуекомпанияларын тарту бойынша жұмыстар жүргізуде», - делінген хабарда.
Еске салсақ, 2019 жылдың 1 қарашасынан бастап Нұр-Сұлтан, Алматы, Шымкент, Ақтау, Қарағанды, Өскемен, Павлодар, Көкшетау, Тараз, Петропавл, Семей қалаларының әуежайларында рейстердің саны бойынша шектеулерді алып тастауды және қазақстандық тасымалдаушылар жүзеге асырмайтын бағыттар бойынша шетелдік авиакомпанияларға 5 дәрежелі «ауа еркіндігін» ұсынуды көздейтін «ашық аспан» режимі енгізіледі
Qatar Airways - Қатардың ұлттық әуекомпаниясы, әлемдегі ең ірі әуе компаниялардың бірі. Әуе паркі 233 әуе кемесінен тұрады. Әуетасымалдаушының басты транзиттік хабы – Доха қаласының Хамад халықаралық әуежайы. 2018 жылдың қорытындысы бойынша әуекомпания 29 миллионға жуық жолаушыны тасымалдады.


Жаңалықтармен бөлісу: