2020 жылдың басынан бері 12 мыңға жуық этникалық қазақ отанына оралды

Күні: 13:17, 19-11-2020.

Астана. 19 қараша. ҚазТАГ – 2020 жылдың басынан бері 12 мыңға жуық этникалық қазақ отанына оралды, деп хабарлады еңбек және халықты әлеуметтік қорғау министрлігінің баспасөз қызметінен.
«Ағымдағы жылғы 1 қарашадағы жағдай бойынша 11,8 мың адам тарихи Отанына оралып, оралман мәртебесін алды. Жалпы 1991 жылдан бері республикаға 1 миллион 69,1 мың этникалық қазақ оралды», - делінген бейсенбіде таратылған хабарда.
Хабарда атап өтілгендей, осы жылы Қазақстанға келген оралмандардың жартысынан көбі (55,5%) Қытайдан, 28,8% – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден.
«Келген этникалық қазақтар негізінен Алматы (52,3%), Маңғыстау (13,4%) және Түркістан (5,5%) облыстарына, сондай-ақ Нұр-Сұлтан (4,1%) және Алматы қалаларына (5,7%) қоныстанды. 10 айдың қорытындысы бойынша еңбекке қабілетті жастағы қоныс аударушылар саны 55,9%-ды, еңбекке қабілетті жастан кіші 32,6%-ды және зейнеткерлер 10,5%-ды құрайды», - деді еңбек және халықты әлеуметтік қорғау министрлігінен.


Жаңалықтармен бөлісу: