Астана. 20 қаңтар. ҚазТАГ – Бибіхан Серікова. Қазіргі таңда 25 қазақстандық Оңтүстік Корея түрмелерінде жазаларын өтеуде, тағы 26-сы сот үкімін күтіп отыр, деп мәлімдеді Қазақстанның бас прокурорының орынбасары Марат Ахметжанов.
«Қазіргі таңда Кореяда 25 қазақстандық жазасын өтеп жатыр. Және Кореяның бір азаматы жазасын Қазақстанда өтеуде», - деді Ахметжанов сәрсенбідегі мәжіліс отырысында.
Бас прокурордың орынбасарының айтуынша, ол сотталғандар Қазақстанға оралып, жазаларын отанында өтеулеріне болады.
«Аталмыш шарт («Қазақстан Республикасы мен Корея Республикасы арасындағы сотталғандарды беру туралы») ратификацияланғаннан кейін біздің елшілік сол сотталғандар бойынша жұмыс жүргізетін болады. Олар сондай мүмкіндіктің бары туралы түсіндіру жұмыстарын жүргізеді», - деді ол.
Бірақ, ол үшін алдымен олардың оралғысы келетіні туралы келісімдері керек.
«Егер келісімдері болмаса, сотта да қаралмайды. Яғни алдын-ала қаралмайды», - деп түсіндірді Ахметжанов.
Ол сондай-ақ, қазіргі таңда қалған 26 қазақстандық азаматтың жауапқа тартылып жатқанын, бірақ әлі олар бойынша шешім шығарылмағанын жеткізді.
Қатысты сілтемелер
-
Түркістанда жолдарды түгендеу және паспорттау қызметіне Т150 млн жұмсамақ28 Наурыз 2024, 17:22
-
ТЖМ Қазақстандағы су тасқыны бойынша жедел ақпарат ұсынуға қауқарсыз болып шықты28 Наурыз 2024, 17:17
-
Ауыр қылмыс жасаған екі күдікті Түркиядан Алматыға жеткізілді28 Наурыз 2024, 17:07
-
Тоқаев ЭЫДҰ бас хатшысымен кездесті28 Наурыз 2024, 16:51
-
Қазақстанда 15 сәуірден жол жүрісі қауіпсіздігі бойынша жаңа жобаның пилоты басталмақ28 Наурыз 2024, 16:34