Ақтөбе облысы әкімінің экс орынбасары Ақтөбе әкімі болып тағайындалды

Күні: 19:02, 24-06-2019.

Ақтөбе. 24 маусым. ҚазТАГ - Ақтөбе облысы әкімінің экс-орынбасары Мавр Абдуллин Ақтөбе әкімі болып тағайындалды, деп хабарлады агенттік тілшісі.
«Ақтөбеде жаңа әкім тағайындалды. ҚР президенті әкімшілігінің және қалалық мәслихаттың келісімімен облыс әкімі Оңдасын Оразалин Ақтөбе әкімі етіп Мавр Абдуллинді тағайындады», - деп хабарлады дүйсенбі күні Ақтөбе облысы әкімдігінің баспасөз қызметінен.
46-жасар Мавр Абдуллин әр жылдары аудандық мәдениет бөлімінің меңгерушісі, Ойыл ауданы әкімінің орынбасары, облыстық ауыл шаруашылық басқармасы басшысының орынбасары, Ойыл және Алға аудандарының әкімі болған.
Ақтөбе әкімі болып тағайындалғанға дейін Абдуллин Ақтөбе облысы әкімінің орынбасары қызметін атқарған.
Еске салсақ, бұған дейін Ақтөбе әкімі Ілияс Испанов болған еді. Ол облыс орталығын 3 жыл басқарды.


Жаңалықтармен бөлісу: