Ақтөбе облысында құны 100 млн еуро болатын жел электр станциясы салынады

Күні: 16:13, 06-09-2018.

Ақтөбе. 6 қыркүйек. ҚазТАГ – Ақтөбе облысында құны 100 млн еуро болатын жел электр станциясы салынады, деп хабарлады облыс әкімінің баспасөз қызметінен.  
«Ақтөбе облысы Қарғалы ауданында  Астанадағы EXPO-2017 халықаралық көрмесінде көрсетілген ВИЭ технологиясы қолданылатын қуаты 48 МВт болатын жел электр станциясын  ENI және GeneralElectric корпорациясы салатын болды», - делінген бейсенбідегі хабарда.  
Тиісті меморандумға облыс әкімі Бердібек Сапарбаев пен ArmWind (құрылтайшылар - ENI - 90%, GeneralElectric - 10%) компаниясының директоры Абрамо Фердинандо қол қойды.
Хабарда нақтыланғандай, жел электр станциясының жоспарланған жылдық қуаты 190 ГВт/сағ. құрайды. Инвестиция сомасы -   шамамен 100 млн еуро.   Нысан құрылысы  осы жылдың   IV тоқсанында басталады деп жоспарлануда, ал пайдалануға 2019 жылдың аяғында беріледі. Құрылыс  кезеңінде 300 жұмыс орны ашылды.  
Сондай-ақ, Мәртөк ауданында да жел энергетикасы қондырғысының құрылысы бойынша «ЖелЭнерго»  ЖШС-мен меморандум жасалған. Бұл жоба технологиясы да  EXPO-2017 халықаралық көрмесінде таныстырылды.


Жаңалықтармен бөлісу: