Ақтөбе. 29 наурыз. ҚазТАГ – Ақтөбе облысының шаруалары митингке шығуды жоспарлауда, деп хабарлады агенттік тілшісі.
«Барлығыңызды 3 сәуір күні өтетін жоспарланған бейбіт митингке шығуға шақырамыз. Бұл митинг тек қана ауыл шаруашылық мәселелеріне қатысты болады! Бұл біздің талабымыз! Біз шаруаларға берілетін несиенің 24%-ға өсуіне қарсымыз! Бізге 2-2,5% несие беріңіздер!», – деді Ақтөбенің шаруалар орталығының төрағасы Марлен Баймағамбетов.
Ол сондай-ақ, атап өткендей, шаруалар «Аграрлық несие корпорациясының» саясатымен де келіспейді. Митингке шығушылар оның төрағасы Алмат Әшірбековті отставкаға жіберуді талап етуде.
Ауыл шаруашылық өкілдері митингте малдың жем-шөбін субсидиялауды жалғастыруды, жердің 50%-дан аз бөлігін ғана пайдаланып отырғандардан жерді мемлекетке қайтаруды, жағалаудағы аудандарға субсидия беру, сонымен қатар еңбек өтілі 30 жыл болатын шаруалар үшін зейнет жасын 55 деп белгілеу секілді талаптарын қоймақ.
Оның ақпарына сәйкес, митинг әкімдікпен келісілген.
Атап өтелік, облыс шаруалары 2021 жылдың қарашасында ауыл шаруашылық министрлігіне өз талаптарын қоя отырып, митинг ұйымдастырған еді.
Ақтөбе облысының шаруалары митингке шығуды жоспарлауда
