Қала күніне арналған 7 шараны өткізуге ғана Алматы бюджетінен Т670 млн астам қаржы бөлінді

Күні: 11:54, 07-09-2018.

Алматы. 7 қыркүйек. ҚазТАГ – Қала күніне арналған 7 шараны өткізуге ғана Алматы бюджетінен Т670 млн астам қаржы бөлінді, деп хабарлады қаланың мәдениет және архивтер басқармасы сайтынан.  
Сонымен, мемлекеттік сатып алу жоспарына сәйкес, мәдени-тынығу жұмыстарын қолдауға, атап айтсақ, «Almaty Film Fest» халықаралық кинофестивалін өткізуге  Т250 млн.бөлінген.  Шара 15-19 қыркүйек аралығында өтеді.
Алматы қаласының күнінде қалалық алма фестивалін «Алма Fest-2018» өткізу  Т143 млн 339 мыңға шығады. Халықаралық  «Park Fest-2018» мүсіндер мен шағын сәулет формалары халықаралық фестиваліне Т189 млн 285 мың жұмсалған
Ашық аспан астында «Оркестрлер фестивалі» IХ музыка фестивалін және   «Gakku Дауысы-2018» қазақстандық эстрада фестивалін өткізуге сәйкесінше  Т36 млн және Т22 млн 363 мың бөлінген. Суретшілердің «Mural Fest» фестивалін ұйымдастыру және өткізуге шамамен Т25 млн, ал «Кітап Fest» – Т10 млн. бөлінген.
Осылайша, Қала  күніне арналған 7 шараны өткізуге  шамамен Т676 млн бөлінген.  
Еске салсақ, Алматы қаласы күні қарсаңында 100-ден астам шара жоспарланған, олар 25 тамыз 30 қыркүйек аралығында өтеді.


Жаңалықтармен бөлісу: