Алдағы үш тәулікте Қазақстанда бұрқасын күтіледі

Күні: 17:34, 14-01-2022.

Астана. 14 қаңтар. ҚазТАГ – Алдағы үш тәулікте Қазақстанда бұрқасын күтіледі, деп хабарлады «Қазгидромет» РМК баспасөз қызметінен.
«Республиканың көп бөлігінің ауа райына, Баренц теңізі аудандарынан келетін циклон әсер етеді. Онымен жауын-шашын, қар, боран, көктайғақ, 15-28 м/с, сондай-ақ еліміздің батысы, солтүстігі, оңтүстігінде 30 м/с дейін жететін қатты екпінді жел болады деп күтіледі», - делінген 15-17 қаңтарға арналған ауа райы болжамында.
Термометр бағандары 17 қаңтарға жақын, түнгі уақыттарда батыста 5-13 аязға дейін, солтүстік өңірлерде 5-15 аязға дейін төмендейді деп, ал елдің оңтүстігінде 5 аяз — 5 жылу болады деп болжануда.


Жаңалықтармен бөлісу: