Алматы облысында жеке тұрғын үй өртеніп, әжесі мен екі немересі көз жұмды

Күні: 18:21, 07-12-2022.

   Қонаев.7 желтоқсан.ҚазТАГ- Алматы облысында жеке тұрғын үй өртеніп, әжесі мен екі немересі көз жұмды, деп хабарлайды Алматы облысының ТЖД.
   «7 желтоқсан күні сағат 00:16 да Алматы облысы Еңбекшіқазақ ауданы Космос ауылында жеке тұрғын үй өртенді. Өрт сөндіру кезінде 1960 жылы туған әйелдің (әже), 2018 және 2019 жылы туған ұлдардың (немерелер) денелері табылды»,- делінген хабарламада.
90 шаршы метр алаңдағы жеке тұрғын үй жанған, бұл үйді 8 адамнан тұратын отбасы 2021 жылдан бері жалдап келген.
   «Есік қаласының ауруханасына балалардың 1999 жылғы анасы, 1991 жылғы әкесі, 1958 жылғы атасы, 2022 жылы туған сәби және 2002 мен 2004 жылғы көршілері жеткізілген.
Қызыл жалын сағат 1:03-те оқшауланып, сағат 01:15-те толықтай сөндірілген. Өрт фактісі бойынша қылмыстық іс қозғалды.


Жаңалықтармен бөлісу: