Алматы және Алматы облысында криминалды қаруды, оқ-дәрілер мен жарылғыш құрылғыларды заңсыз сатудың ірі арнасының жолы кесілді

Күні: 15:47, 07-06-2019.

Астана. 7 маусым. ҚазТАГ – Алматы және Алматы облысында криминалды қаруды, оқ-дәрілер мен жарылғыш құрылғыларды заңсыз сатудың ірі арнасының жолы кесілді, деп хабарлады ҰҚК баспасөз қызметінен.
«Қазақстан Республикасының Ұлттық қауіпсіздік комитеті Алматы қаласы мен Алматы облысының тұрғындарынан тұратын қылмыстық топтың заңсыз әрекетінің жолын кесті, олар ұзақ уақыт бойы криминалды атыс қаруын, оқ-дәрілер мен жарылғыш заттарды сатумен айналысқан. 2019 жылғы 5 маусымда ҰҚК «А» арнаулы мақсаттағы қызметін тартумен ірі ауқымды арнайы операция жүргізілді, оның барысында осы қылмыстық топтың 6 қатысушысы ұсталды», - делінген жұмада таратылған хабарда.
ҰҚК ақпарынша, Тінту жүргізу кезінде 3 гранатаатқыш, 2 «Калашников» автоматы, 5 пистолет, 3 бәсеңдеткіш, оптикалық көздеуіш, сондай-ақ әртүрлі калибрдағы 1400 бірлік патрон табылып, алынды.
«Фигуранттардың бірінің тұрғылықты жері бойынша қаруды жинау және қайта жасау үшін арналған жасырын шеберхана, сондай-ақ көп мөлшерде әртүрлі құрамдас бөліктер (ұңғылар, оқжатарлар, тұтқалар, бекіту тетіктері мен басқалары) табылды. Одан басқа, қолдан жасалатын жарылғыш құрылғыларды жасау үшін компоненттер (селитра, жарылғыш дәрі және басқалары) алынды. Сотқа дейінгі тергеу жүргізілуде, оның шеңберінде тергеу осы топтың әрекетіне қатысы бар барлық адамдарды, оның ішінде криминалды қаруды сатып алушыларды анықтайды», - делінген хабарда.



Жаңалықтармен бөлісу: