Алматы. 13 ақпан. ҚазТАГ – Алматыда 102 құрылыс компаниясының лицензиясы уақытша тоқтатылды, деп хабарлады қаланың қала құрылысын бақылау басқармасының баспасөз қызметінен.
«Өткен жылы қала құрылысын бақылау басқармасы құрылыста сараптамалық және инженерлік жұмыстармен айналысатын мамандарға 1158 мемлекеттік лицензия және 154 анықтама берген. Басқарма таратқан мәліметтерге қарағанда, лицензиялау бағытындағы бекітілген нормаларды бұзу мен біліктілік талаптарына сәйкес келмеуі және мерзімінен бұрын қайта жаңғыртқаны үшін 102 құрылыс компаниясының лицензиясы тоқтатылды», - делінген бейсенбіде таратылған хабарда.
Ведомствода атап өткендей, белгіленген лицензиялау нормаларын, сондай-ақ құрылыс жұмысын сапасыз жүргізгені үшін «Артемида LTD» және ТОО «CentralAsianHolding» ЖШС жұмысы тоқтатылды.
«Алматы қалалық қала құрылысын бақылау басқармасы, ҰҚК және мемлекеттік кірістер департаменті бірлесіп, жалған лицензиясы бар үш компанияны анықтады. Оларды жарамсыз деп тану туралы талап-арыздар берілді», - делінген хабарда.
Хабарда атап өтілгендей, құрылыс нарығындағы жосықсыз компанияларды анықтау бойынша жүргізілген жұмыстар нәтижесінде 2020 жылдың басынан бері талапқа сай жұмыс істемеген алты компания анықталды, олар бойынша жұмыстар жүргізілуде.
Қатысты сілтемелер
-
Ақорда резиденциясында Тоқаевпен Жапаровтың кездесуі өтуде19 Сәуiр 2024, 13:05
-
Ресей әкімшілігіндегі Байқоңырдың су жүйелеріне Қазақстан Т10,8 млрд жұмсамақ19 Сәуiр 2024, 11:46
-
Астана даңғылдарының бірін еріген қар суы басып қалды19 Сәуiр 2024, 10:36
-
Балқашта кәріз жүйелерін жөндеу жұмыстарына Т11,8 млрд жұмсамақшы19 Сәуiр 2024, 10:26