Астана. 16 қазан. ҚазТАГ – "Алматы қаласы қала құрылысын бақылау басқармасы» МҚБ бұрынғы бас маманы Д.Сейсембеков алаяқтық жасауға оқталғаны үшін сотталды, деп хабарлады сыбайлас жемқорлықпен күрес қызметінен.
«15 қазанда Алматының Алмалы аудандық соты Сейсембековты ірі көлемде алаяқтық жасауға оқталғаны үшін айыпты деп таныды және оған үш жыл алты ай бас бостандығын шектеу түрінде жаза тағайындады. Сонымен қатар бес жыл бойына басшылық қызмет атқару немесе белгілі бір қызмет атқару құқығынан айырды», - делінген сәрсенбідегі хабарда.
Хабарда атап өтілгендей, Сейсембеков заңсыз құрылысты сүру бойынша сотқа материал жинамау және заңсыз құрылыста коммерция жүргізуге кедергі келтірмеу үшін жеке кәсіпкерден Т2,6 млн көлемінде ақшалай қаражат алып жатқан жерде ұсталған.
Алматыда қала құрылысын бақылау басқармасының экс-шенеунігі алаяқтық жасауға оқталғаны үшін сотталды
