Алматы. 3 тамыз. ҚазТАГ – Алматыда арнайы операция барысында автокөлік ұрыларының тобы ұсталды, деп хабарлады қаланың полиция департаментінің баспасөз қызметінен.
«Біздің қызметкерлер арнайы жасақтың сарбаздарымен бірге 1988 және 1999 жылы туған үш ер адамды ұстады, олар Алматы облысының, Жамбыл ауданының тұрғындары. Жастар қымбат көліктерден бірнеше бүйір айналарын ұрлады деген күдікке ие. Қаскөйлер түнде, негізінен қаланың орталық бөлігінде жұмыс жасады», - еді дүйсенбіде Алмалы аудандық Полиция басқармасы бастығының орынбасары Владимир Решетников.
Сотқа дейінгі тергеудің осы кезеңінде ұсталған адамдардың осыған ұқсас бес ұрлыққа қатысы бар екендігі анықталды.
«Біздің ауданда төрт факт орын алды. Тағы біреуі – Медеу ауданында. Айыпталушылар қаланың барлық жерінде ұрлық жасаған болуы мүмкін. Жаңа эпизодтарды анықтау жұмыстары жалғасуда», - деді Решетников.
Сондай-ақ, ол, ұрланған автокөлік айналарын сату каналдарын анықтау бойынша жедел шаралар қабылданып жатқанын атап өтті.
Алматыда арнайы операция барысында автокөлік ұрыларының тобы ұсталды
