Алматы. 18 шілде. ҚазТАГ - Алматыда Төле би көшесінің бір бөлігінде жол қозғалысы уақытша жабылады, деп хабарлады «Алматы жылу желісі» ЖШС баспасөз қызметінен.
«19 шілдеде сағат 22.00 – 21 шілде 06.00 аралығында Төле би көшесі бойында Чокин көшесімен қиылысатын ауданда жол қозғалысы уақытша жабылады. Уақытша шектеулер осы аралықтағы жол бөлігіне төселген магистральды құбыр өткізгішті жоспарлы түрде ауыстырумен байланысты», - делінген бейсенбідегі хабарда.
Хабарда атап өтілгендей, тозығы жеткен құбырларды жаңасына ауыстыруды қарастыратын Алматы инженерлік желісіне қайта жөндеу жұмыстарын жүргізу қалалық жылумен жабдықтау жүйесі жұмысына төнетін қауіпті азайту үшін керек.
Алматыда Төле би көшесінің бір бөлігінде жол қозғалысы уақытша жабылады
