Алматылық метрополитенде барлық стансалар мен пойыздарда тегін Wi-Fi қашан іске қосылады

Күні: 18:41, 22-05-2019.

Алматы. 22 мамыр. ҚазТАГ - Алматылық метрополитенде барлық стансалар мен пойыздарда тегін Wi-Fi қашан іске қосылатыны туралы Алматы қалалық мобильділік басқармасынан айтты.
«Алматы қаласы әкімдігінің қолдауымен «алмалы» метро стансасында пилоттық режимде тегін Wi-Fi іске қосылды. Бұл аталмыш желі іске қосылған екінші станция, бұған дейін интернет «Жібек жолында» ғана болған. Ағымдағы жылдың қарашасында қолданыстағы барлық стансалар мен пойыздарда тегін Wi-Fi-мен толық қамту жоспарлануда», - делінген сәрсенбіде таратылған хабарда.
IT-қызмет ақпарынша, «Транстелеком» бүгінгі таңда күніне 400-дей қосылуды тіркеген.
«Сарыарқа» және «Достық» жаңа стансаларын қолданысқа енгізе отырып, метроның бірінші желісінің қашықтығы 3,1 км ұзарады, ал жалпы қашықтығы 13,4 км. құрайтын болады. Бұл метрополитенге келушілер санын тәулігіне 86 мың адамға дейін көбейтеді», - деп атап өтті Алматы қалалық мобильділік басқармасынан.


Жаңалықтармен бөлісу: