Астана. 13 мамыр. ҚазТАГ – Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов Қазақстанның қаржылай бақылау органдарының жемқорлығы туралы мәлімдеді.
«Қаржылай бақылау органдарының жемқорлығы туралы жекелей атап өту керек. Тек соңғы екі жылда агенттік ішкі мемаудит лауазымды тұлғаларына қатысты 27 қылмыс тіркеді. Олар, мемсатып алу конкурстарының қорытындысын қайта қарау үшін пара алып келген», - деді Сарқұлов жұмадағы брифингте.
Ол хабарлағандай, тіпті ішкі мемаудит органы қызметкерлерінің өздері шағым түсіруді ұйымдастырып, кейін арам ойларын жүзеге асыру үшін сол бойынша тексеру жүргізген кездері де болған.
«Былтыр тек бір ғана ЖШС осындай 1,6 мың шағым түсірген, оның 900-і қанағаттандырылған. Бұл ретте, басқа шынымен жазылған шағымдар қаралмаған», - деді Сарқұлов.
Қатысты сілтемелер
-
KASE саудасында теңгенің орташа бағамы Т0,45-ке өсіп, Т443,77 болды24 Сәуiр 2024, 17:50
-
Ұлыбритания СІМ басшысы Дэвид Кэмерон Астанаға келді24 Сәуiр 2024, 17:45
-
Алдағы үш күнде Қазақстанның басым бөлігінде жаңбырлы ауа райы күтіледі24 Сәуiр 2024, 17:22