Қарашаның алғашқы екі онкүндігінде Қазақстанның оңтүстігінде ауа температурасы +22 градусқа дейін жылиды – синоптиктер

Күні: 17:17, 28-10-2014.

Алматы. 28 қазан. ҚазТАГ – Владимир Радионов. Қарашаның алғашқы екі онкүндігінде Қазақстанның оңтүстігінде ауа температурасы +22 градусқа дейін жылиды, деп болжап отыр «Қазгидромет» РМК.  

«Алдын-ала болжам бойынша қарашаның бірінші, екінші онкүндігінде Қазақстанның бірқатар аудандарында күн жылынады, алайда жылы күндер әлсіз аяздармен, жауын-шашынмен қатты желмен алмасып отырады. Жекелеген аудандарда аздаған мұз қатуы да мүмкін», - деп хабарлады гидромет орталығының жетекші инженері   Айгүл Мыңжанова сейсенбіде.

Ол батыс өңірлерде ауа температурасының түнде -9+2, күндіз +10+18 градус аралығында құбылып тұратынын айтты. Еліміздің оңтүстік батысында, оңтүстігінде, оңтүстік шығысында одан да жылы болады:  түнде  -2-11,  күндіз +3 +22 аралығында құбылып тұрады. Қазақстанның солтүстік және орталық облыстарында тәуліктік құбылу түнде   -6+5, күндіз   0+13 градус аралығында болады. Қарашада еліміздің шығысында ғана салқын болады: түнде -10 градус және күндіз    +10.

А. Мыңжанова аталмыш температураның қалыпты құбылыс екенін, тек Қазақстанның солтүстігі мен батысында ауа температурасының 1-2 градусқа жоғары болатынын атап өтті.  

«Қараша айының үшінші онкүндігінде ауа температурасы салқындайды, оңтүстік өңірлерде - 20 градус болса, солтүстікте, шығыста және орталықта -30 градусқа дейін төмендейді», - деді синоптик.


Жаңалықтармен бөлісу: