Алматы. 23 тамыз. ҚазТАГ - Қапшағай маңында парашютпен секіруден кейін қарулы күштердің полковнигі қаза тапты, деп хабарлады ҚР Қорғаныс министрлігінің баспасөз қызметі.
«2019 жылғы 22 тамызда әскери қызметкерлер Қапшағай қаласының оңтүстік-батысында Ми-17 тікұшағынан жоспарлы парашютпен секірулерді орындады. Полковник С.Алдынгуров секірген кезде шамамен 200-300 метр биіктікте негізгі парашют қауіпсіздік ережелерін бұзу себебінен ажыратылды. Жауынгер резервтік парашютті пайдаланбаған, ол жерге құлағаннан кейін өмірімен сәйкес келмейтін жарақаттар алған», - делінген жұмадағы хабарда.
Қорғаныс министрлігі секірулер «Беркут» парашют жүйесімен қарапайым ауа-райында 1,2 мың метр биіктіктен жүргізілгенін және бұл жерде ауа-райы ашық, «көріну 10 км, тыныш, температура +19» екенін айтты.
«Қазіргі уақытта оқиғаның себептері анықталуда. Әскери қызметшінің өліміне қатысты ҚР ҚК 453-бабының 2-бөлігіне (ауыр салдарға әкеп соққан қызметке немқұрайлы қарау) сәйкес қылмыстық іс қозғалды», - делінген хабарламада.
Қарулы Күштердің полковнигі Қапшағай маңында парашютпен секіруден кейін қаза тапты
