Астана. 13 ақпан. ҚазТАГ – Астана қаласында түйісу модулімен интеграцияланған жол контроллерлерін қолдана отырып, 26 бағдаршам объектісін салуға Т2,2 млрд-қа жуық жұмсамақ, деп хабарлайды агенттіктің тілшісі.
«Тапсырыс беруші – «Астана қаласының көлік және жол-көлік инфрақұрылымын дамыту басқармасы» мемлекеттік мекемесі; атауы - тұрғын емес ғимараттарды/құрылыстарды салу бойынша жұмыстар; қосымша сипаттамасы - Астана қаласында түйісу модулімен интеграцияланған жол контроллерлерін қолдана отырып, 26 бағдаршам объектісін салу; саны - бір; өлшем бірлік - жұмыс; жоспарлы сома - Т2 157 785 249», - деп мемлекеттік сатып алу порталындағы лот сипаттамасында айтылған.
Конкурсқа өтінімдерді қабылдау мерзімі 14 ақпанда басталып, 19 ақпанға дейін жалғасады.
«Жеткізуші (мердігер) тапсырыс берушіге бағдаршамдарды бейімдеуге арналған «Астана қаласында түйісу модулімен интеграцияланған жол контроллерлерін қолдана отырып, 26 бағдаршам объектісін салу» жұмыс жобасының сараптамалық қорытындысында көрсетілген ITS жүйесінің және жол қозғалысты басқарудың автоматтандырылған жүйесінің жеткізілетін жабдықтың және бағдарламалық қамтамасыз етудің негізгі лауазымдары бойынша оқудан өткен сертификатталған мамандардың болуын растайтын құжаттарды ұсынуға міндетті», - деп сатып алынатын жұмыстардың техникалық ерекшелігінде жазылған.
Астанада 26 бағдаршам объектісін салуға Т2,2 млрд-қа жуық жұмсамақ
