Астанада Тархан көшесі 4 қазанға дейін ішінара жабылады

Күні: 18:33, 02-10-2018.

Астана. 2 қазан. ҚазТАГ – Астанада Тархан көшесі 4 қазанға дейін ішінара жабылады, деп хабарлады елорда әкімінің ресми интернет-ресурсынан.  
«Көлік және жол-көлік инфрақұрылымын дамыту басқармасы Әкімшілік полиция басқармасымен бірге автокөлік жолдарының орташа жөндеу жұмыстары аясында Тархан көшесі бойында А.Жұбанов көшесінен А.Пушкин көшесіне дейін жөндеу жұмыстарын бастауды жоспарлап отыр.  Соған байланысты 2-4 қазан аралығында аталмыш учаскеде автокөлік құралдарының қозғалысы жабылады», - делінген сейсенбідегі хабарда.  
Қала билігі елорда тұрғындары мен қонақтарын көлік кептелісін  болдырмау үшін өз бағыттарын алдын-ала жоспарлауды ескертті.  


Жаңалықтармен бөлісу: