Астана. 14 тамыз. ҚазТАГ- Астанадағы апатты мектепті оқу жылы басталардан екі апта бұрын бұзу туралы шешім қабылданды, деп хабарлайды агенттіктің тілшісі.
««ТехЭксперт-Т» ЖШС аккредиттелген ұйымы өткізген 20 шілдедегі техникалық қорытындыға сәйкес, нысан техникалық және санитарлық талаптарға сай болмай шықты. Тексеру нәтижесінде ғимараттың физикалық тозуы 54,4 пайыз болып бағаланды»,- деп хабарлады Астана әкімдігінің баспасөз қызметі.
№25 орта мектеп апатты деп танылды. Білім басқармасы осы мектептің оқушылары жаңа оқу жылында № 36 мектепте оқитынын хабарлады. Мектеп екі ауысымда 2400 оқушыға арналған.
«№ 36 мектеп әкімшілігімен сыныптарды орналастыру, оқу кабинеттерін бөлу бойынша барлық ұйымдастыру мәселелері шешілді, балаларды қабылдау кезінде мектеп ғимаратына кіру және оқушылардың тамақтануын ұйымдастыру мәселесі анықталды»,- делінген әкімдік хабарламасында.
Ал №25 орта мектептің аумағында оқу процесін ұйымдастырудың барлық заманауи талаптары ескерілетін жаңа мектеп салынады.
Астанадағы апатты мектепті оқу жылы басталардан екі апта бұрын бұзу туралы шешім қабылданды
