Астанадағы «Қазмедиа орталығы» ғимаратының алдында өзін жармақшы болған ер адамды полиция алып кетті

Күні: 15:55, 20-02-2019.

Астана. 20 ақпан. ҚазТАГ – Баубек Коныров. Астанадағы «Қазмедиа орталығы» ғимаратының алдында өзін жармақшы болған ер адамды полиция көлікке отырғызып алып кетті, деп хабарлады оқиға орнынан агенттік тілшісі.
«Полиция қызметкерлері барлық қауіпсіздік шараларын қолға алды. Қазір ер адамның талаптары анықталуда. Толық ақпарат барлық мән-жай толыққанды анықталғаннан кейін ұсынылатын болады. Қазір ол ер адамның іс-әрекеті қоғамдық тәртіпті бұзу ретінде қаралуда. Оны Есіл ауданындағы полиция басқармасына барлық мән-жайды анықтау үшін алып кетті», - деді журналистерге оқиға орнынан ішкі істер министрінің кеңесшісі Нұрділда Ораз.
Бұған дейін хабарлағандай, ол ер адам шлагбаумның қасында тұрған, қолында ішінде белгісіз заты бар шыны бөтелкесі, қасында газ баллоны болған.
Д.Қонаев ат. көше көлігі жабылған. Оқиға орнына полиция, жедел-жәрдем көлігі және өрт сөндірушілер келген.


Жаңалықтармен бөлісу: