Астана. 10 тамыз. ҚазТАГ – Астаналықтар қазақтың ұлы ақыны Абай Құнанбаевтың 175 жылдығына арнап челлендж бастады, деп хабарлады Нұр-Сұлтан әкімдігінің ресми интернет-ресурсынан.
«Нұр-Сұлтан тұрғындары қазақтың ұлы ойшылы, ақын Абай Құнанбаевтың 175 жылдығына орай #Абай175 #Abay #Abai #Абай музыкалық челленджін іске қосты. Абай әнін бірінші болып түрлі салада қызмет ететін мамандар орындады: дәрігерлер, автобус жүргізушілері, полицейлер, құтқарушылар, мұғалімдер, сондай-ақ түрлі этномәдени бірлестіктердің өкілдері, еріктілер. Оларды қазақстандық эстрада жұлдыздары Майра Ілиясова, Қыдырәлі Болманов, Айгүл Иманбаева, Қайрат Баекенов қолдады. Барлығы сүйіп тыңдайтын, халықтың құлағында жатталып қалған «Көзімнің қарасы» әні жаңаша шырқалды», - делінген дүйсенбідегі хабарда.
Хабарда айтылғандай, тұрғындар композицияны шырқап қана қоймай, оны түрлі аспаптарда да орындады.
Музыкалық челленджге қатысушылар қазақ даласының ұлы есімдерін бірге қолдауға және бастамаға қатысуға шақырды.
«Абайдың 175 жылдығына арналған челленджді барша қазақстандықтарға жолдаймыз. Біз біргеміз», – дейді еріктілер.
Бұған дейін, хабарланғандай, Қазақстанда қазақтың ұлы ақыны Абай Құнанбаевтың 175 жылдығы атап өтілуде.
Абай Құнанбаев 1845 жылы 10 тамызда дүниеге келген. 2020 жылы Қазақстан 175 жылдығын атап өтуде – ұлы ақынның мерейтойы мемлекеттік деңгейде атап өтілуде.
Еске салсақ, 5 тамызда хабарланғандай, ұлы қазақ ақыны Абай Құнанбаевтың туған күні – 10 тамыз – Қазақстанда ресми түрде мереке болып қабылданды.
Абайдың туған күнін Қазақстандағы мерекелік күндер тізіміне енгізу дайындалып жатқаны туралы ҚазТАГ ХАА 26 маусымда хабарлаған еді.
Астаналықтар Абайдың 175 жылдығына арнап челлендж бастады
