Атырау облысында кәмелетке толмағандар Өзбекстаннан жүк көліктеріне шабуыл жасады деген күдікке ілінді

Күні: 16:52, 10-09-2019.

Атырау. 10 қыркүйек. ҚазТАГ - Атырау облысында кәмелетке толмағандар Өзбекстаннан жүк көліктеріне шабуыл жасады деп күдіктелуде, деп хабарлайды агенттік тілшісі.
«8 қыркүйекте, Исатай ауданы, Хамит Ерғалиев ауылының жанындағы Астрахань тас жолында бірнеше жасөспірім транзиттік жүк тасымалымен жүрген көлікті таспен зақымдады. Автобус жүргізушісі полицияға жүгінді. Сол күні полиция қызметкерлері Х.Ерғалиев ауылының кәмелетке толмаған 6 тұрғынын анықтады. Жасөспірімдердің ата-аналарымен профилактикалық әңгіме өткізілді. Сотқа дейінгі тергеу амалдары 2-бөлім бойынша жүргізілуде. Қазақстан Республикасы Қылмыстық кодексінің 293-бабы (бір топ адам жасаған бұзақылық) », - деп хабарлады Атырау облысы полиция департаментінің баспасөз қызметінен.
Еске салсақ, 7 қыркүйек күні салмақ бақылау постынан 5 шақырым жерде белгісіз адамдар Атыраудан келе жатқан жолда Өзбекстаннан ауыр жүк көліктеріне тас лақтырған. Сондай-ақ, әлеуметтік желілерде маңдайшасында жарықтары бар жүк көлігінің суреттері жарияланды.


Жаңалықтармен бөлісу: