Атырау облысында коронавирус жұқтырған екі науқас ӨЖТ қосылған

Күні: 18:29, 08-04-2020.

Атырау. 8 сәуір. ҚазТАГ - Атырау облысында коронавирус жұқтырған екі науқас өкпені жасанды тыныс алдыру (ӨЖТ) аппаратына қосылған, деп хабарлады облыстың өңірлік коммуникациялар қызметінен.
«COVID-19 жұқтырған екі науқастың жағдайы ауыр. Денсаулық сақтау басқармасының ақпарынша, 37 жасар ер адам мен 82 жасар қарт өкпені жасанды тыныс алдыру аппаратына қосылған. Олардың жағдайын дәрігерлер ауыр деп бағалап отыр. Қызылқоға ауданының 28 жасар тұрғынының жағдайы орташа ауыр деп бағалануда. Ол хаттамаға сәйкес ем алып жатыр», - делінген сәрсенбідегі хабарда.
Облыстық денсаулық сақтау басқармасының ақпарынша, жұқпалы аурулар стационарының 33 науқасының жағдайы қалыпты, оларда ауру жеңіл өтуде.
Естеріңізге сала кетейік, 2019 жылдың желтоқсан айының соңында Қытайда этиологиясы белгісіз пневмония ауруы тіркелді. Соңғы мәліметтерге сәйкес, COVID-19 коронавирусынан туындаған пневмониямен ауыратын науқастардың жалпы саны жүздеген мыңнан асса, қайтыс болғандар ондаған мыңнан астам.
2020 жылдың 30 қаңтарында Қазақстан Қытайға автобус қатынасын (29 қаңтардан бастап), жолаушылар пойыздарын (1 ақпаннан) және әуе қатынасын (3 ақпаннан) тоқтататындығы белгілі болды. 6 ақпанда «Қазпошта» Қытаймен пошталық байланысты тоқтатты. 1 наурыздан бастап Қазақстан Оңтүстік Корея және Иранмен әуе тасымалын қысқартты.
15 наурызда Қазақстан президенті Тоқаев 16 наурыздан бастап Қазақстанда төтенше жағдай жариялау туралы өкім етті.
17 наурызда ҚР президенті жанындағы ТЖ режимін қамтамасыз ететін мемкомиссия Нұр-Сұлтан мен Алматы қалаларында 19 наурыз сағат 00.00-ден бастап карантин режимін енгізді. Соған байланысты азаматтар мен көліктердің кіруіне және шығуына шектеу енгізілген. 28 наурызда Нұр-Сұлтан мен Алматы қалаларында карантин шаралары күшейтілді. 3 сәуірде мемкомиссия Нұр-Сұлтан мен Алматыдағы жұмыссыз режимді 6 сәуірден 13 сәуірге дейін ұзарту туралы шешім қабылдады. Бұдан басқа карантин режимі Шымкентте 4 сәуір сағат 21.00-ден бастап енгізілді. 6 сәуірде Тоқаев екі отандық ғылыми институттың ұжымын коронавирусты анықтауға арналған өзіміздің диагностикалық тест-жүйемізді ойлап табуларымен құттықтады
Бұған дейін Қазақстанда коронавирусты жұқтырудың 709 жағдайы тіркеліп, 54-і жазылып, жеті адам көз жұмды.


Жаңалықтармен бөлісу: