Атырау облысында үш ауысымды оқуды жою үшін 9 мектеп салу керек

Күні: 17:56, 12-11-2018.

Атырау. 12 қараша. ҚазТАГ – Атырау облысында үш ауысымды оқуды жою үшін 9 мектеп салу керек, деп хабарлады Атырау облысының әкімі Нұрлан Ноғаев.  
«Бүгінгі таңда Атырау облысында 14 мектеп үш ауысымды тәртіппен оқып жатыр.  Бұл негізінен қаладағы мектептер. Осы проблеманы шешу үшін біз 9 жаңа мектеп салуымыз керек. Олардың алтауының құрылысы жүріп жатыр, үшеуі бойынша жобалық-сметалық құжаттама әзірленуде», - деді Н.Ноғаев дүйсенбідегі баспасөз мәслихатында.
Сонымен қатар өңір басшысы атап өткендей, Атырау облысындағы 5 мектептің жағдайы апаттық күйде.
«Облыста жаңа екі мектептің құрылысы жүріп жатыр, қалған екеуі бойынша құжаттары дайындалуда», - деп атап өтті  Н.Ноғаев.
.  


Жаңалықтармен бөлісу: