Қазақстан 13 елмен әуе қатынасын кеңейту және азаматтық авиация саласындағы ынтымақтастық мәселесін талқылайтын болады

Күні: 19:22, 03-12-2019.

Астана. 3 желтоқсан. ҚазТАГ – Қазақстан 13 елмен әуе қатынасын кеңейту және азаматтық авиация саласындағы ынтымақтастық мәселесін талқылайтын болады, деп хабарлады индустрия және инфрақұрылымдық даму министрлігінің азаматтық авиация комитетінің баспасөз қызметінен.
«Қазақстан ICAN шеңберінде 13 елмен әуе қатынасын кеңейту және азаматтық авиация саласындағы ынтымақтастық мәселесі бойынша келіссөздер жүргізетін болады», - деп хабарлады сейсенбіде ААК-нен.
Бүгін Иорданияда Халықаралық азаматтық авиация ұйымы (ИКАО) аясында ұйымдастырылатын әуе қатынастары туралы келіссөздер жүргізу бойынша жыл сайынғы 12-ші іс-шараның (ICAN 2019) ашылуы өтті.
Ашылу рәсіміне ИКАО кеңесінің Президенті доктор Олумуива Бенард Алиу қатысты.
«ICAN 2019-ға 71 мемлекет пен 5 халықаралық ұйым қатысады», - деді Қазақстандық ведомстводан.
Ашылу аясында қатысушылар әуе қатынасын либерализациялау мәселелерін талқылады.
«Қазақстандық делегация жыл сайын бұл іс-шараға қатысады және оған азаматтық авиацияның салалық ведомствосының басшысы, Қазақстан Республикасының Иорданиядағы Елшісі, "Air Astana", "SCAT" әуе компанияларының, Нұр-Сұлтан, Алматы, Ақтау қалалары әуежайларының жетекшілері қатысуда», - деді ААК-нен.


Жаңалықтармен бөлісу: