Астана. 9 шілде. ҚазТАГ – Қазақстан Астанасы күнінде ұсталғандардың елу шақтысы әкімшілік жауапқа тартылды, деп хабарлады ішкі істер министрлігінің баспасөз қызметінен.
«Заңсыз акцияны ұйымдастыру және қатысқаны үшін полицияға жүзден астам адам жеткізілді. Кейбіреуінен түтіндегіш құты және травматикалық қару тәркіленді. Олардың 44-і әкімшілік жауапкершілікке тартылды, оның ішінде әкімшілік қамауға алу мен айыппұл ескерілген. Қалғандарымен түсіндіру жұмыстары жүргізіліп, олар үйлеріне жіберілді», - делінген сейсенбіде таратылған хабарда.
Полицейлер тәртіпті бұзушыларға қатысты «күш қолданылды, заңға қайшы әрекеттер жасалып, басқа азаматтардың тыныштығы мен қауіпсіздігіне қатер төндірді» деп мәлімдеді.
«Көлік қозғалысына тосқауыл қою әрекеті болды. Осыған байланысты ішкі істер органдары қоғамдық тәртіпті бұзуды алдын алу бойынша шараларды қабылдады. Тәртіп бұзушыларды ұстау барынша сауатты жүргізілді, арнайы құралдар қолданылған жоқ», - деді ІІМ-нен.
Еске салсақ, 6 шілдеде Алматыда Орталық стадион маңында адамдарды жаппай ұстау орын алған. Алматыда кей жерлерде ұстау шаралары азаматтардың күш құрылымы қызметкерлерімен тікелей қақтығысып қалуына алып келсе, кейде ол тәртіпсіздікке ұласып кеткен. Полиция қызметкерлері журналистерді де қорқытқан – полиция ұстап жатқан кез келген адамнан түсінік алуға тырысу арандатушылық болып бағаланады, және ол азаматтармен сөйлесуге тырысатын журналистер де ұсталатын болады деп мәлімдеген. Оқиға болып жатқан ауданда ұзақ уақыт бойы интернет толығымен жұмыс жасамаған. Қарсылық танытушыларды ұстау түн ортасына дейін созылған.
Сонымен қатар Нұр-Сұлтанда Республика даңғылы бойында «Есіл» сауда үйі ауданында да азаматтарды жаппай ұстау шаралары болған, Республика даңғылы мен Кенесары даңғылындағы ОӘД аралығында, сонымен қатар Республика даңғылына жақын аумақта Ташенов көшесі бойында да азаматтарды жаппай ұстау шаралары болған. Барлық көрсетілген учаскелер қоршауға алынған. Жол бойында полицияның көптеген автобустары тұрған. Көлік жүргізушілері полицейлердің әрекеттеріне наразылықтарын тудырып, сигнал берген. Сондай-ақ, хабарланғандай, Нұр-Сұлтандағы ұстау шаралары барысында үшқүш құрылымы қызметкерлері балаларды да автобустарға тиеп алса керек. Оларды – қыз бала мен ер баланы тек олардың анасы – елорда тұрғыны журналистердің көзінше жіберулерін талап еткенде ғана жіберген. Әйелдің айтуынша, балалардың үлккені 15-те болған.
Сонымен қатар, белгілі болғандай, елордалық полицейлер журналистерге белгісіз біреудің газ баллонын шашыратқанына мән бермеген. Нұр-Сұлтанда жаппай ұстаулар болып жатқанда жоғары лауазымды полицеи қызметкерлері де болған, олардың арасында елордалық полиция департаменті басшысының орынбасары Бақытжан Малыбаев та бар. Бетперде киген белгісіз біреулер үлкен қолшатырдың көмегімен журналистердің алдын көлегейлегенде де журналистер бірнеше мәрте Малыбаевқа қызметтерін атқаруға кедергі келтіріліп жатқаны туралы шағымданған, бірақ интернетте орналастырылған видеодан байқағанымыздай, ол да БАҚ өкілдерінің шағымына мән бермеген.
Сондай-ақ, белгілі болғаны, 6 шілде күні Шымкентте Әл-Фараби алаңында күш құрылымының қызметкерлері 40 шақты адамды ұстаған.
6 шілде күні кешкісін ішкі істер министрлігі полицейлер «дұрыс әрекет» етті-міс және олар тек «жекелеген азаматтарды ғана ұстады деп хабар таратты. Сонымен қатар олар ұстаған «жекелеген адамдардан түтіндету құтысы мен травматикалық қару» тәркіленді деп мәлімдеді.
6 шілде күні Қазақстандағы жаппай ұстаулар туралы ҚазТАГ ХАА-ға сілтеме жасай отырып, The Washington Post пен The New York Times басылымынан басқа Reuters, Associated Press, ABC News және басқа да көптеген әлемдік БАҚ жазған.
7 шілдеде Еуропалық комиссияның вице-президенті – Еуропалық Одақтың Сыртқы істер және қауіпсіздік саясаты жөніндегі жоғарғы өкілі Федерика Могерини 6 шілдедегі жағдайға түсінік бере келе, Еуроодақтың Қазақстанды азаматтардың пікірін білдіру еркіндігі мен БАҚ бостандығын қамтамасыз етуге шақыратынын мәлімдеді.
9 маусымда Қазақстанда сайлау учаскелеріндегі көптеген бұзушылықтар мен Нұр-Сұлтан мен Алматыда митингке шыққандардың жаппай ұсталуы фонында президент сайлауы өтті. Сайлау жеңімпазы болып қазіргі президент Қасым-Жомарт Тоқаев танылды. Оны ұлықтау рәсімі 12 маусымда өтті. Саяси белсенді қазақстандықтардың бір бөлігі сайлау нәтижесін заңсыз деп санайды.
Қазақстан Астанасы күнінде ұсталғандардың елу шақтысы әкімшілік жауапқа тартылды
