Қазақстан синоптиктері тамызға арналған консультативтік ауа райы болжамын ұсынды

Күні: 18:52, 30-07-2021.

Астана. 30 шілде. ҚазТАГ – Қазақстан синоптиктері тамызға арналған консультативтік ауа райы болжамын ұсынды, деп хабарлады агенттік тілшісі.
«Тамыз, жаздың соңғы айы, бірақ жаз әлі де жалғасуда. Тамыз айының басында Қазақстан аумағының басым бөлігінде ыстық және көбінесе құрғақ ауа-райы болжанады, тек шығыста, елдің оңтүстік-шығысындағы таулы және тау бөктеріндегі аудандарда найзағай мен қысқа мерзімді жаңбыр күтіледі», - деп хабарлады жұма күні «Қазгидромет» РМК баспасөз қызметінен.
Еліміздің батысында, оңтүстігінде, оңтүстік-шығысында ауа температурасы түнде +20+25°С, күндіз +35+42°С, солтүстікте, орталықта және шығыста түнде +15+22°С, күндіз +30+37°С болады.
«Ауа температурасының мұндай жоғары фоны, басқа ауа массаларының ҚР аумағына орын ауыстыруына жол бермейтін бұғаттаушы антициклонның орнығуымен байланысты болады. Бірақ бірінші онкүндіктің соңына қарай, бұғаттаушы антициклон өз позицияларын тапсырады. Оның орнына Қазақстан аумағына циклон келеді, және онымен бірге атмосфералық фронттар бірте-бірте ауысады. Бұл өз кезегінде найзағай мен қысқа мерзімді жаңбырға әкеледі. Кейбір өңірлерде желдің күшеюі мүмкін. Сондай-ақ жылудың төмендеуі болжанады. Республиканың оңтүстік жартысында ауа температурасы күндіз +25+30°С, солтүстік жартысында +20+27°С жетеді», - делінген хабарда.
Айдың екінші онкүндігінде республиканың солтүстік жартысына суық ауа массалары түседі. Бұл ауа-райының тұрақсыз сипатына әкеледі – жаңбыр жауады, таулы және тау бөктеріндегі аудандарда қатты, найзағай мен желдің күшеюі күтіледі.
«Солтүстік өңірлерде ауа температурасы күндіз +17+25°С-тан +23+30°С-қа дейін ауытқиды, ал оңтүстік өңірлерде ауа температурасының негізгі аясы +28+35°С болады», - делінген хабарда.
Ауа температурасы күндіз +23+28°С болатын оңтүстік өңірлерде қалыпты жылы ауа-райы күтіледі, ал солтүстік өңірлерде ауа-райы күзгі сипатқа ие болады, күндіз ауа температурасы +17+22°С жетеді.


Жаңалықтармен бөлісу: